ازاى تشترى جهاز كشف اعطال سيارات ؟؟

ازاى تشترى جهاز كشف أعطال سيارات؟؟

مبدئيا لازم تكون محدد احتياجاتك من جهاز كشف اعطال السيارات هل هيكون استخدام شخصي ولا استخدام في مجال عملك في حالة انك هتستخدمة فى مجال عملك لابد من تحديد استخداماتك للجهاز هل متخصص في نوع سيارات معين زي السيارات الفرنساوى فمثلا فيشة Renault clip هتكون مناسبة جدا لسيارات الرينو وهتكفيك جدا ودي تعتبر جهاز متخصص علي سبيل المثال طبعا .

اما لو مركز بيقوم بالكشف على كل الموديلات هنا هتكون محتاج جهاز عام قوى في تغطية الموديلات وده طبعا بيكون أغلى في السعر بس في بعض الاجهزة زي launchX431 pro3 بيغطى تقريبا أكتر من 95% من موديلات السيارات

لازم تكون محدد هتحتاجه للكشف على السيارات الحديثه ولا عاوز الموديلات القديمة شوية معاه  لأن مدخل الفيشة في السيارات قبل 2005 بيختلف عن اللي بعدها – تقريبا كل اللي بعد 2005 فيشه 16pin  اما اللي قبلها بيكون لها فيش تانيه .

خلينا نقول لو ناوي تشتغل في كل الموديلات الجهاز اللي ذكرته launch X431pro3 بتستلم معاه كل الفيش قبل 2005 بحيث تخطى كل السيارات اللي هتتعامل معاها ,, لو بتشتغل بعد 2005 على سبيل المثال LaunchCRP229 كويس جدا في كل الموديلات اللي بتعدم مدخل 16 pin.

في عامل تانى مهم جدا هو " اللغه " لو بتتعامل كويس باللغه الانجليزية مفيش مشكلة لأنها موجوده في كل الاجهزة أما لو بتفضل التعامل باللغه العربية فحاليا الخاصية دى موجوده في بعض الاجهزة في السوق العربى فياريت تسأل وتأكد نقطة اللغه العربية لسهوله الاستخدام .

بالنسبة للأسعار حاول تكون في مقارنه اسعار بين الاجهزة في سياق احتياجك ومتتشرعش لأن سوق أجهزة كشف الاعطال منافسيه قليلين بيكون في منافسه وعرض اسعار بينهم تقتدر تستفيد منها .

في نقطتين مهمين جدا جدا وهما التدريب علي الجهاز وخدمة ما بعد البيع او تحديدا الدعم الفني اثناء شغلك علي الجهاز لو واجهتك مشكله بتتصل بمهندس الدعم الفني يوضحهالك وطبعا دي نقطه هتحتاجها في البداية لغاية ما تتعود علي الاستخدام .

في النهاية اتمنى تكون في اضافه لكم من المقاله وعرفنا اهم المعاير اللي على اساسها نقوم بشراء جهاز كشف اعطال السيارات .

شاركه على جوجل بلس

عن OBD Checkers