نظرة حول Launch x431 Pro3

Launch x431 Pro3

في المقاله هتكلم عن جهاز كشف اعطال السياراتLaunch x431 Pro3  انا بصراحة  بوجه كلامى للفنيين "الصنايعيه" على وجه الخصوص وقبل ما اتكلم عن موصفات الجهاز خليني أسأل حضرتك ..  

 ايه اللي ممكن تكون محتاجه من جهاز كشف الاعطال وهتستفاد منه ازاى في مركز الخدمة او الورشة الخاصة بيك ؟

   السؤال ده لازم تجاوب علية قبل ما تقرأ المقال لأن ببساطة حضرتك هتدفع فيه فلوس مش قليله وهو يستحق ده ,,  بس قبل خطوة زي دي لازم تحدد انه ازاي هتسفاد منه وازاى هتكسب من وراه ,,

خلينا نتعرف على الجهاز

الجهاز عنده القدره علي الكشف علي جمع انظمة السيارة زي " كنترول المحرك و كنترول الفرامل و اي بي اس وكنترول الايرباج وكنترول ايموبلايزر وكنترول التابلو وجميع الكنترولات بالسيارات البنزين والديزل 12فولت" وغيرها من أنظمة التشغيل . وده بيميزه عن اجهزة كتير بتكشف علي 4 أنظمة فقط في السيارة اللي هما المحرك والفرامل وناقل الحركة والايرباج 

بالنسبة لمهمته الاساسية J فهمو بيقرأ الاعطال ويمسحها ويعمل ريسيت

يعنى اللي هيغير زيت عند حضرتك هتقدر تظبطله ان لمبة تغيير الزيت تنور بعد 10000كم او 5000كم حسب الزيت 

طيب بالنسبة للحساسات فهو  بيختبر الحساسات وكفاءة عملها وبيديلك قرائتها في رسم بيانى طبعا ده بيسهل معرفه قراءة الحساس مظبوطة ولا فيها خلل .

الجهاز كمان بيقوم بعملية تكويد قطع الغيار الجديده في السيارة بحيث تتوافق مع كنترول السيارة الخاص بيها او بمعنى اصح يعرّف قطع الغيار بالكنترول

طيب لو في كود ظهر لحضرتك أثناء الكشف ومعرفتش معناه – بمنتهي البساطة هتتصل بالانترنت وتبحث عن معنى الكود .. الجهاز تابلت تاتش أندرويد J وسهل جدا في استخدامة

مميزات هامة جدا

الجهاز يعمل باللغه العربية وطبعا فيه باقي اللغات  ولكنها تعتبر ميزة عظيمة لسوقنا العربي وده هيسهل الاستخدام على عدد كبير جدا من الفنيين اللي في انتظار جهاز بيعمل باللغه العربية .   

       اما من حيث التخصص فهو تقريبا بيغطي أكثر من 95% من موديلات السيارات سواء كانت أوروبي أو أمريكي أو كورى أو ياباني أو صينى وغيرهم . ودي ميزة مش موجوده في اجهزة كتير سواء المتخصصة او العامة واللي مش بتتعدي 50 نوع سيارة فقط اما Launch x431 Pro3  فبيكشف على كافة الموديلات القديمة قبل 2005 واللي مخرج الفيشة بتاعتها مختلف عن المخرج الموحد حاليا OBD II  يعنى ببساطة مفيش عربية هتدخل بغرض كشف الاعطال بالكمبيوتر الا وهتقدر تشخض العطل فيها .

أخيراً نقدر نقول ايه اللي مش موجود في الجهاز J ..

ببساطة النقطة اللي اعتبرها الوحيده اللي مش موجوده في الجهاز هي قدرته علي برمجه كنترول السيارة واللي في أجهزة تانية بتتميز عنه بيها زيPad3  Launch x431 وفي جهاز تاني اسمه Autel Maxisys Pro 

في النهاية عاوز حضرتك تتخيل أنك تمتلك جهاز بيغطى جميع الموديلات تقريبا ويكشف على كافة انظمة السيارة وباللغه العربية .. أنا شخصيا أنصح كل من يريد تطوير مركز صيانته بإقتناء هذا الجهاز الرائع فعلا ولكن " بشرط " تعرف إزاى هتستفاد منه .

حضراتكم تقدروا تعرفوا سعر الجهاز من هنا

جهاز كشف اعطال السيارات 

فى رعاية الله 

شاركه على جوجل بلس

عن OBD Checkers